Сн, 16/09/2017 - 11:19
Баспаға арналған нұсқасы
Хат жолдау
Жоғарғы Соттың 170-ден астам судьясы мен қызметкері жалпықалалық сенбілікке қатысты. Осы күні жоғары сот органының өкілдері Астананың жаңа көшелерінің бірінде қайың мен шыршаның 150-ге жуық көшетін отырғызды.
- Сенбілікке әрдайым құлшына қатысамын. Мен елордамызды өте жақсы көремін: әркез қаладағы осындай іс-шараларға белсене қатыса отырып, елорданың абаттануы мен гүлденуіне аз да болса үлес қосатынымды ойлағанда кеудемді қуаныш кернейді, - дейді Жоғарғы Сот судьясы Елена Максюта.
- Астана жыл өткен сайын көркейіп келеді. Қаламызға ЭКСПО-2017 көрмесін көруге көптеген қонақтар келіп, мемлекетіміздің жеткен жетістіктеріне жоғары бағасын берді, Қазақстанда тұратыным үшін өзімді бақытты санаймын, елімді және елордамды жақсы көремін, - деді Жоғарғы Сот судьясы Ұлбосын Сүлейменова.
- Қалалық сенбіліктердің негізгі мақсаты – қала көшелеріндегі тазалықты сақтау және экологиялық мәдениетті қалыптастыруға жұртшылықтың назарын аудару. Бұл күні қаламыздың әрбір тұрғыны өздері тұратын көше мен даңғылды абаттандыруға үлес қосқаны жөн, - дейді Жоғарғы Соттың азаматтық істер жөніндегі сот алқасы хатшылығы меңгерушісінің орынбасары Сәулетай Анафина.
- Астана – Қазақстанның жалпыұлттық бренді. Елордамыз ЭКСПО-2017 халықаралық мамандандырылған көрмесін жоғары деңгейде өткізді. Қаламызға келген мыңдаған мейман жас елордамыздың әсем көркіне таңданысын жасырмады. Біз, қала тұрғындары сүйікті қаламыз - Астананың ерекше күтіміне ықылас танытып, тазалық пен тәртіпті сақтай білуіміз керек. Мен өз балаларымды осыған тәрбиелеймін, - дейді Жоғарғы Сот аппаратының ақпараттық қамтамасыз ету бөлімі басшысының орынбасары Айдос Садуақасов.
