Сотталған азаматқа тыйым салынған затты табыстағаны үшін сот әкімшілік жауапкершілікке тартты

Ақмола облысы Жарқайың аудандық сотында Қазақстан Республикасы Әкімшілік құқық бұзушылық туралы Кодексінің 367-бабы бойынша қылмыстық-атқару жүйесі мекемесінде отырған адамға сақтауға, пайдалануға тыйым салынатын заттарды бергені үшін бұрын сотты болған азамат К-ға қатысты әкімшілік іс қаралды.

Сотта К. жалпы тәртіптегі түзету колониясында отырған сотталған адамға тексерістен жасырын түрінде сақтауға және  пайдалануға тыйым салынатын затты бермекші болғаны анықталды. Атап айтқанда, К. телефонның SIM-картасын аяқ киім ұлтарағының астына жасырып бермекші болған.

Сот қаулысымен азамат К. Қазақстан Республикасы Әкімшілік құқық бұзушылық туралы Кодексінің 367-бабы бойынша кінәлі деп танылып, оған бір айлық есептiк көрсеткiш мөлшерiнде, яғни 1 852 теңге сомасына  айыппұл салынып, SIM-картасы тәркіленді.

Қаулы заңды күшіне енген жоқ.