Бүгін Атырауда экономикалық қылмыстарға қатысты қылмыстық істерді қарау кезінде туындайтын мәселелер мен «Заңдылық» ақпараттық- талдамалық жүйесінің жұмысын талқылауға арналған аймақтық семинар өтті. Аталған іс-шараны Жоғарғы Соттың қылмыстық істер жөніндегі сот алқасының төрағасы Абай Рахметулин жүргізді.
Бүгін Жоғарғы Сот Төрағасы Қайрат Мәми қырғызстандық әріптесі Айнаш Тоқабаевамен кездесті.
Жоғарғы сот органдарының төрағалары екі елдің сот жүйесінің дамуы туралы өзекті ақпаратпен бөлісті, сондай-ақ ынтымақтастық пен даму келешегін талқылады.
Жұмыс кездесуінің мақсаты – экономикалық қылмыстарға қатысты қылмыстық істерді қараудың бірыңғай тәсілін қалыптастыру.
Кездесуге Жоғарғы Соттың және Астана қалалық сотының судьялары, Бас Прокурордың орынбасары Марат Ахметжановтың басшылығымен Бас прокуратураның өкілдері, Қаржы министрлігі Мемлекеттік кірістер комитетінің төрағасы Ардақ Теңгебаевтың басшылығымен комитеттің өкілдері қатысты.
Жоғарғы Соттың кассациялық сатысы Бас прокурордың наразылығы бойынша келіп түскен Б.Чотпаевқа қатысты қылмысты істі қарады.
Қазақстан Республикасы Жоғарғы Сотының қылмыстық істер жөніндегі сот алқасы 2017 жылғы 28 наурыздағы қаулысымен Б.Чотпаевқа қатысты бірінші және апелляциялық сатылар шығарған сот актілерінің тағайындалған жазаның аса жеңіл болуына байланысты күшін жойды. Іс қайта қарауға апелляциялық сотқа жолданды, наразылық ішінара қанағаттандырылды.
Жоғарғы Сот «Сот органдарынан шығатын ресми құжаттарға апостиль қою» мемлекеттік қызметі бойынша «Азаматтарға арналған үкімет» мемлекеттік корпорациясының Астана қаласындағы Сарыарқа аудандық филиалының қызметкерлері үшін семинар өткізілді.
Өткізілген іс-шара барысында филиал қызметкерлеріне мемлекеттік қызмет көрсету тәртібін регламенттейтін нормативтік құқықтық актілердің ережелері түсіндірілді.
Бүгін Жоғарғы Соттың кассациялық сатысы Бас прокурордың наразылығы, сондай-ақ сотталғандар А.Т.Айтбаеваның, М.М.Рассохиннің және Ж.А.Шәріповтың өтінішхаты бойынша келіп түскен сотталғандар А.Т.Айтбаеваға, М.М.Рассохинге, Л.В.Оттқа, Ж.Т.Кәкенге, Ж.А.Шәріповке қатысты қылмыстық істі қарады.
Алматы облысындағы «Ақбұлақ» биік таулы курортында «Тиімді қылмыстық саясат және қылмыстық сот ісін жүргізудің оңтайлы моделі – заманауи құқық қорғау жүйесін дамытудың басым бағыты» тақырыбында халықаралық конференция өтті.
Форумды Жоғарғы Сот, Конституциялық Кеңес, Бас прокуратура Еуроодақ жобасы, Еуропа кеңесінің Венециялық комиссиясы ЕҚЫҰ-ның Астанадағы Бағдарламалар кеңсесімен, Герман халықаралық құқық ынтымақтастығы қорымен бірлесіп ұйымдастырды.
Жоғарғы Сотта «Әділдік – құқықтық қорғаудың басты критерийі» жобасын іске асыру шеңберінде жұмыс тобының кезекті кеңесі өтті.
Кеңеске Жоғарғы Соттың судьялары Н.Сисенова мен Н.Сұлтанов, ЕуроОдақтың ұлттық сарапшысы Н.Ерғалиева, Бас прокуратураның, Әділет министрлігінің, Соттардың қызметін қамтамасыз ету департаменті мен Республикалық адвокаттар алқасының өкілдері қатысты.
Бүгін Жоғарғы Сот Төрағасы Қайрат Мәми жоғары сот органының әйелдер қауымын 8 наурыз Халықаралық әйелдер күнімен құттықтады.
Іс-шараға Жоғарғы Соттың судьялары, Судьялар Одағы Орталық Кеңесінің мүшелері, Жоғарғы Сот жанындағы Соттардың қызметін қамтамасыз ету департаментінің басшылығы мен қызметкерлері қатысты.
Қазақстан Республикасы Жоғарғы Сотының Төрағасы азаматтардың кезекті қабылдауын өткізді.
Қайрат Мәмидің қабылдауында республиканың бірнеше өңірінің тұрғындары болды.
Жоғарғы Сот Төрағасына жүгінгендердің көбісі жергілікті соттардың шығарған сот шешімдерімен келіспейтіндіктерін жеткізді. Осы азаматтарға заңнамаға сәйкес жоғары сот сатыларына шағым келтіру тәртібі түсіндірілді.
Жоғарғы Сот Төрағасының қабылдауында болғандар өз сұрақтарына толыққанды жауап алды.
