Архив событий

Жоғарғы Сот Әділет министрлігімен бірлесіп, «Төрелік» сот органдары ақпараттық жүйесі мен атқарушылық іс жүргізу органдары автоматтандырылған ақпараттық жүйесі арасындағы ақпараттық өзара іс-қимыл шегінде жаңа қызметті іске қосты. Осының нәтижесінде атқару парақтарын орындау үшін әділет органдары мен жеке сот орындаушыларының өңірлік палаталарына электрондық құжат түрінде жіберуге қол жетті. Сонымен қатар, соттар сот орындаушыларының қаулыларын электрондық санкциялауды іске асыратын болды.

2014 жылғы 2 маусымда қостанайлық Нұрболат Қамысбай жеке кәсіпкер Владимир Лиммен екі жыл мерзімге еңбек келісім шартын жасап, заңгер ретінде жұмысқа орналасқан. Зеңгердің қызметтік міндеттері келісім-шарт жобаларын дайындау, құқықтық құжаттарға сараптама жасауға байланысты болған.

Бұл жұмыстарды Н.Қамысбай ерікті жұмыс күн тәртібі бойынша жүзеге асырған. Еңбек келісім-шарты бойынша оның еңбекақысының мөлшері 150 000 теңге мөлшерінде белгіленген. Бұл соманың 112 500 теңгесі жалақы, 37 500 сыйақы болған.